Një sherr masiv ka ndodhur mëngjesin e djeshëm në futbollin argjentinas, në derbin midis Estudiantes La Plata-Gimnasia La Plata, e vlefshme për Kupën Verano. Kur priteshin edhe pak minuta nga përfundimi i ndeshjes, një ndërhyrje e gabuar e lojtarit të Estudiantes ndaj kundërshtarit, ka krijuar një episod të paimagjinueshëm për një lojë futbolli. Futbollistët e të dyjave skuadrave kanë nisur të rrihen paq me njëri-tjetrin, aq sa arbitri e ka pasur të pamundur të fishkëllejë vazhdimin dhe përfundimin e ndeshjes, pasi protagonistë në fushë e kanë kthyer atë në një arenë boksi. Mbi të gjithë u shqua portieri i Estudiantes i cili i përdori dorezat për të grushtuar futbollistët kundërshtarë, të cilët më pas nuk ia lanë mangët, duke e shtrirë në tokë dhe duke e qëlluar në kolektiv. Ndiqni videon se çfarë ndodhi në Estudiantes La Plata-Gimnasia La Plata.
