TIRANË- Deputetja e qarkut të Shkodrës, Mimoza Hafizi ka përforcuar qendrimin e saj në një deklaratë për mediat. E pyetur nga gazetarët nëse ka frikë nga përjashtimi, ajo thotë se “nuk kam frikë dhe se nuk e kam jetën të varur nga politika”.
“Fatin tim personal s’e kam lidhur me jetën politike, i besoj kauzës dhe lirisë sime për t’i thënë gjërat hapur. Po s’folëm të gjithë bashkarisht gjërat nuk ndryshojnë në Shqipëri. Edhe po të kishte rrezik ja vlen të ndërmarrësh një rrezik nëse beson tek kauza jote”, tha Hafizi e cila deklaroi se mbështetjen për Blushin e ka disktuuar me shumë kolegë dhe ata s’kanë qenë dakort”.
Ajo tha se do kërkojë që në rendin e ditës në Kongres të futet edhe neni i zgjedhjeve të keryetarit të partisë. Nëse do ketë deputetë të tjerë që do mbështesin Blushin, Hafizi tha: Besoj se do ketë, por gjithësecili ka të drejtë të shprehet vetë.
E pyetur për problemet në PS e Shkodrës ajo tha se edhe atje nuk bëhen zgjedhje prej vitesh dhe kryetari lokal komandohej nga Rama.
