Shtetet e Bashkuara dhe aleatët e koalicionit që e ka në shënjestër grupin Militant “Shteti Islamik” në Siri, kanë njoftuar sot për dhjetëra sulme nga ajri në drejtim të kufijve të IS-it.
Ushtria amerikane ka njoftuar se vetëm gjatë të premtes, shtatëmbëdhjetë sulme janë kryer në Irak dhe gjashtëmbëdhjetë të tjera në Siri.
Ushtria ka njoftuar se sulmet në Irak janë realizuar në afërsi të Mosulit, ku janë goditur pesë caqe dhe një sasi e armëve të Shtetit Islamik.
Si rezultat i sulmeve në Siri, ushtria ka njoftuar se është goditur një fabrikë e kontrolluar nga Shteti Islamik dhe një zonë e naftës dhe gazit, që po ashtu kontrollohej nga militantët.
