Vuk Sotirovic është një antishqiptar i deklaruar, por kjo nuk e ka penguar klubin e futbollit Vllaznia të Shkodrës ta marrë në provë gjatë merkatos së janarit, lojtarin serb. Lojtari i cili ka një karrierë të pasur te Jagellonia dhe Slask Ëroclav në Poloni dhe te Novi Pazar në Serbi ka luajtur së fundmi në Singapor dhe do jetë në provë disa ditore por ka një problem të madh pasi është një tifoz ekstremist dhe në rrjetin social facebook ka shfaqur idetë e tij kundër Kosovës.
Para nje viti e gjysëm Sotiroviç ka hedhur në facebook një këngë të titulluar “Kosova është Serbi” kurse me anë të një foto ka shfaqur hapur kundërshtimin për antarësimin e Kosovës në UNESCO.
Nëse ky lojtar do ta kalonte provën do të kthehej në një precedent të rrezikshëm në fushën e lojës. Ku akoma janë të freskëta imazhet kur futbollisti serb i Apolonisë së Fierit, përdhosi gjatë një ndeshje futbolli, flamurin shqiptar që e mbante një tifoz shqiptar që e shpalosi në fushë.
