Hawkey Huey nuk është një fëmijë si gjithë të tjerët. Ai është fotografi më i ri i gjigandit mediatik “National Geographic”.
Profili i tij në Instagram që ka plot 138.000 ndjekës, u rendit në listën e 100 profileve më të mira të Instagramit, nga revista Rolling Stones.
Djaloshi është vetëm 5 vjeç por arriti që në shoqërinë e të atit të udhëtonte në pjesën jug-perëndimore të SHBA, ku ka shkrepur foto të rralla.
Bashkë me babain e tij, ai ka nisur një fushatë për mbledhje fondesh, me qëllim realizimin e një libri me të gjitha fotot e tij.
