Marjan Dulaj pronar i furrave të bukës në Zajeçar të Serbisë, dje vrau ish punëtoren e tij Dragana Matijevic duke e qëlluar me plumb në kokë, ndërsa më pas qëlloi edhe vetën në stomak, dhe tani mjekët po luftojnë për të ja shpëtuar jetën.
Mediat serbe kanë kontaktuar me dëshmitarët, dhe sipas tyre e gjithë tragjedia kishte ndodhur si pasojë e një kontesti në mes të pronarit Dulaj 54 vjeç dhe ish punëtorës së tij Matijeviq 55 vjeçe, e cila ishte përjashtuar nga puna, dhe përmes drejtësisë po kërkonte kompensim për këtë, transmeton lajmi.net.
“Ju kurrë nuk do të hyni më në dyqanin tim” kishte thënë Dulaj para se të qëllonte Matijeviqin në kokë, e cila kishte një vendim gjykate i marrë në favor të saj.
Tragjedia ka ndodhur dje rreth orës 11 e30 në rrugë Dubrovnik në qendër të Zajeçari, në zyrën e përbashkët të një avokati dhe një pronari të një agjencie të patundshmërive.
Drama në zyrën e avokatit Zoran Nenkoviq kishte filluar me të mbërritur aty Dragana Matijeviq që po e mbronte atë dhe pronari i furrës së bukës Marjan Dulaj.
Matijeviq me ndihmën e avokatit të saj e kishte fituar një rast gjyqësor i cili i kërkonte pronarit të furrës që ta kompensonte për kohën prej momentit kur ajo ishte përjashtuar nga puna, dhe urdhëronte që ajo të kthehej në punë.
Pas disa fjalëve Dulaj kishte nxjerrë armën dhe kishte qëlluar ish punëtoren e tij në kokë, e cila vdiq në spital, dhe më pas vetën në stomak.
