Revista e modës “Anabel” ka publikuar sot një lajm lidhur me ndryshimet që priten të ndodhin në Televizionin “Top Channel”.
Sipas burimeve të “Anabel”, Sokol Balla do të rikthehet në postin e Drejtorit të Informacionit në këtë televizion, ndërsa do të ketë tashmë edhe programin e tij “Top Story” jo vetëm të enjteve, por edhe të hënave.
Kështu, Balla do të zëvendësojë të hënave emisionin “Shqip” të Rudina Xhungës.
Nuk dihet sa të sakta janë këto informacione por kohët e fundit një valë ndryshimesh kanë përfshirë Top Channel.
Anabel ka paralajmëruar edhe më parë ndryshimet në këtë televizion, ndërsa në lajmin e sotëm ka ngatërruar vetëm datën e zgjedhjeve, pas zhvillimit të të cilave Balla dha dorëheqjen.
Bëhet fjalë për zgjedhjet e përgjithshme parlamentare të vitit 2009.
Pasi në këtë vit nuk janë zhvilluar zgjedhje lokale.
