TIRANË- Gjyqtari i Gjykatës së Tiranës, Artan Gjermeni do të hetohet jo vetëm për plagosjen por edhe për paratë që iu gjetën në makinë. Nga vijnë këto para? Pse gjyqtari mbante një shumë kaq të madhe ‘cash’ në makinë? Janë pyetjet që shtrohen nga hetuesit.
Gjatë kontrollit policor, atij iu gjetën në makinën tij ‘Smart’ plot 20 mijë euro. Paratë tashmë janë sekuestruar nga policia. Ato u gjetën të futura në zarf dhe të fshehura në korskotin e makinës.
Për këtë fakt, gjyqtari Gjermeni nuk ka pranuar të jap shpjegime, ashtu siç nuk ka dhënë detaje edhe për plagët për të cilat është mjekuar në urgjencën e qendrës Spitalore Universitare “Nënë Tereza”.
Sipas policisë, parat janë sekuestruar deri në një vendim tjetër dhe materialet do t’i referohen prokrurorisë për vazhdim hetimesh apo edhe burimin e kësaj shume.
Nga ana tjetër, vetë gjyqtari Gjermeni i ka kërkuar policisë që çështja mos të hetohet me pretendimin se është plagosur aksidentalisht me llamarinën e garazhit.
Në urgjencën e spitalit gjyqtari Gjermeni është mjekuar mbrëmjen e së dielës për disa plagë. Në njërën dorë të cilën e kishte të fashura dhe mjekët thonë se janë shkaktuar nga mjete mprehëse, në krahror mes brinjës së 5 dhe 6 pa një të prerë pa depërtuar në mushkri, gërvishura në qafë dhe buzën e qarë.
Për plagët e marra gjyqtari ka pretenduar se është dëmtuar nga llamarina e garazhit, duke mos pranuar të japë detaje të mëtejshme dhe as kallëzim penale për të ndjekur hetimet Policia e Prokuroria.
*Makina e gjyqtarit Gjermeni
