Shpesh njerëzit në moshë të mesme ankohen për dhimbje të zgjatur shpine.
Zgjidhja më e rekomandueshme është sporti, por jo çfarëdolloj sporti.
Ka disa disiplina që cilësohen si më të mirat dhe ato të cilat nuk duhet t’i afroheni nëse vuani nga dhimbjet e vazhdueshme të shpinës.
Idealja do të ishte të zgjidhnit llojin e sportit që çlodh muskujt pa i shkaktuar stres shtyllës kurrizore.
Për shembull, nëse pëlqeni notin apo yoga-n mund të rrini të qetë, keni bërë zgjedhjen e duhur sepse këto aktivitete fizike zgjasin muskujt dhe lehtësojnë dhimbjet. E gjithë kjo përkthehet në çlodhje.
Nga ana tjetër, tenisi, volejbolli apo vrapi, kanë efekt të kundërt prandaj e mira është që t’i evitoni qoftë edhe nëse dhimbja e shpinës nuk është e përhershme. Megjithatë, disa udhëzime më të sakta i keni poshtë…
Sportet e duhura për dhimbjen e shpinës janë noti, yoga, gjimnastikë uji dhe pilates.
Janë të gjitha përgjigje të mira për dhimbjen e shpinës, sado që, në krye të listës, dhe këtu nuk ka fare diskutime, qëndron yoga.
Të gjitha lëvizjet e saj janë të mira për të shpërndarë gjakun.
E njëjta gjë vlen edhe për ‘të afërmit’ e kësaj disipline si pilates, që kontribuon në çlodhjen e muskujve të fokusuar sidomos në zonën e mesit.
