Sekretari i përgjithshëm i LSI-së, Luan Rama komentoi pergjimin e publikuar nga gazetari Artan Hoxha në ‘Opnion’. Gazetari publikoi disa dokumente te prokurorise, ku mes pergjimeve te Ismailajt ishin edhe bisedat me Ilir Meten, madje edhe nje sms ku dyshohet Meta i kërkonte 200 mijë euro për fushatë.
I pari dhe i vetmi deri tani nga LSI, ka folur Luan Rama. “Kjo është një keqpërdorje deri në neveri”, tha ai. Sipas tij, vëmendja duhet të përqëndrohet tek reformat e rendësishme, si ajo në drejtësi dhe problemet ekonomike të qytetarëve, të cilat po theksohen dhe nga përmbytjet. “Kjo nuk është gjë tjetër vecse një triller prostitutash”, u shpreh Luan Rama për abc-në.
