Një studiues spanjoll në George Washington University ka arritur në përfundimin se mjeti kryesor që ISIS përdor për rekrutim luftëtarësh nuk është feja, por kultura popullore perëndimore.
Javier Lesaca analizoi më shumë se 800 video të ISIS dhe kuptoi se shumë nga skenat e sulmeve me armë, fushatat e sulmeve, janë realizuar sipas stilit të video-lojës amerikane “Call of Duty”, ku lojtarët marrin rolin e luftëtarëve.
Ngjashmëritë me kulturën perëndimore janë të jashtëzakonshme:
Pak pas publikimit të filmit “American Sniper” u publikua një video me skena të ngjashme nga ky film, ku tregohej se si vritej me snajper një grua.
Ekziston gjithashtu edhe video e kampeve të trjanimit të fëmijëve në shkretëtirë, po me të njejtin stil të filmave amerikanë.
Sipas studiuesit, ISIS po e përdor kulturën perëndimore si referencë për të bindur luftëtarët e tij të veprojnë si aktorë filmash.
Duke folur me audiencën e e targetuar në gjuhën e tyre mëmë, ata thjesht po e bëjnë terorizmin popullor.
