Pas akuzave të ish-Kryeministrit Berisha se Ambasadori Gjerman në Shqipëri Helmut Hoffman po bën rolin e avokatit të qeverisë lidhur me protestat e PD dhe qëndrimet mbi zgjedhjet lokale, ka ardhur edhe reagimi i Hoffman.
Në një prononcim për “Java News”, zyra e shtypit të Ambasadës Gjermane në Tiranë thotë se Hoffmann e konsideron si domethënës faktin që Berisha ka sulmuar edhe OSBE/ ODHIR për zgjedhjet vendore.
“Ambasadori Hoffmann e konsideron si domethënës faktin që zoti Berisha ka sulmuar edhe drejtuesen e misionit të vëzhguesve të OSBE/ODHIR për zgjedhjet vendore Audrey Glover. Çdo koment tjetër do të ishte i tepërt nga ana e tij”, thuhet në prononcimin e Ambasadës Gjermane.
