Rregullat e rinj europianë të mbrojtjes së të dhënave personale mund t’i detyrojnë korporatat e teknologjisë dhe rrjeteve sociale që tu kërkojnë përdoruesve nën 16 vjeç, një leje nga prindërit për përdorim të rrjeteve sociale.
Parlamenti Europian ka vendosur të votojë rregulla të reja që mund ti gjejnë adoleshentët të dëbuar nga shërbimet e internetit si Facebook, mediat sociale, mesazhet virtual dhe çdo gjë tjetër që ndërhyn te të dhënat e tyre.
Amendamenti i minutave të fundit për rregullimet në mbrojtjen e të dhënave, do ta kthejë në antiligjore për kompanitë, mbajtjen e të dhënave të personave 15 vjeçarë ose më të rinj. Pra, nëse më parë mosha për të cilën nevojitej pëlqim e leje ishte 13 vjeç, tanimë kufiri moshor është 16 vjeç.
Kompanitë që dëshirojnë ti lejojnë të rinjtë e kësaj moshe për të përdorur shërbimet e tyre, mes të cilave Facebook, Snapchat, Whatsapp dhe Instagram, duhet të marrin leje nga kujdestari i tyre ligjor.
Por disa ekspertë të sigurisë së fëmijëve i kanë kundërshtuar këto ndryshime, duke paralajmëruar se mosha e rritur e pëlqimit për përdorim ose jo, nga 13 në 16 vjeç, do ta bëjë të vështirë për adoleshentët nën 16 që të përdorin median sociale dhe burimet e tjera online.
