TIRANË- Me mijëra vetë pritet të marrin pjesë sot në festën që Partia Demokratike organizon në kujtim të 11 Dhjetorit të vitit 1990, themelimit të partisë së parë pluraliste. Përkundër aludime në media për pjesmarrjen e Ramës apo Metës, Partia Demokratike konfirmon për Opinion.al se u është dërguar ftesë të gjitha partive politike në vend, si rrjedhojë edhe kryetarit të PS, Edi Rama dhe kryetarit të LSI Ilir Meta. Do të jetë në dorë të këtyre të fundit pjesmarrja pasi edhe mund të zgjedhin të përfaqësohen nga të tjerë, por ftesa është e sigurt që u ka mëbrritur.
Përpos politikanëve do të ketë shumë përfaqësues të medias, biznesit, etj, thonë burimet zyrtare.
Sigurisht që janë nisur ftesat për themeluesit apo personat aktiv të lëvizjes së dhjetorit që sollën ndryshimin 25 vite më parë. Edhe familjarëve të martirëve, saktësojnë burimet.
Ceremonia do të zhvillohet në Pallatin e Kongreseve dhe do të nisë me një dokumentar për dhjetorin ’90 më pas do të ketë edhe fjalime, etj.
