TIRANE- Këto foto tregojnë itenerarin e Sekretarit të Përgjithshëm të NATO-s nga Rinasi e deri në Kryeministri ku u prit në një ceremoni shtetërore. Fotot me një cilësi të lartë janë bërë nga stafi i NATO-s që shoqëron Jens Stoltenberg në vizitën e tij të parë zyrtare në Tiranë.
Përmes kësaj foto-galerie shohim se në Rinas, kreu i NATO-s është pritur nga Leonard Demi, Përfaqësues i Përhershëm i Shqipërinë në NATO. Nga Rinasi ai ka mbërritur në Kryeministri ku është mbajtur edhe ceremonia e mirseardhjes.
Më pas është zhvilluar edhe takimi bilateral në sallën e hartave në Kryeministri. Një takim që ka zgjatur mbi një orë dhe më pas konferenca e përbashkët për shtyp.
Shihni fotot, pasi ka edhe dy momente ku Jens Stoltenberg tregon një interes të veçantë. Në Rinas, kur interesohet të ketë më shumë njohuri për vendin teksa sheh peisazhin përreth dhe në sallën e hartave, ku me sa duket Rama i shpjegon simbolikën e kësaj salle të cilën e ka dizenjuar vetë.
Stoltenberg pritet nga Leonard Demi, i dërguari i Shqipërisë në NATO
