Epidemia gripale po qarkullon në vendin tonë dhe vjen çdo herë duke u rritur. Ekspertët e shëndetësisë kanë filluar të aplikojnë menjëherë planin e masave, për parandalimin e përhapjes së tij.
Personeli shëndetësor, konsiderohet ndër grupet më në risk, ndaj edhe ka nisur vaksinimi i tyre. 10 mijë vaksina janë shpërndarë në të gjithë vendin, për t’u injektuar falas stafeve mjekësore, të cilët janë në kontakt me pacientë që mund të jenë prekur nga gripi.
Krahas mjekëve, ekspertët thonë se ata që duhet të vaksinohen, janë edukatorët, mësuesit, fëmijët, të sëmurët kronikë, gratë të shtatzëna, si dhe mosha e tretë e popullsisë.
