Zyrtarët amerikanë dhe pakistanezë u takuan përpara bisedimeve të paqes midis Uashingtonit dhe Teheranit që nisin sot në Zvicër. Dy vendet kërkojnë një fund të qëndrueshëm të luftës mes tyret. Zëvendëspresidenti amerikan JD Vance dhe të dërguarit Steve Witkoff dhe Jared Kushner, u takuan me kryeministrin e Pakistanit Shehbaz Sharif dhe shefin e ushtrisë.
SHBA-të dhe Irani kishin rënë dakord për një armëpushim 60-ditor për negociatat, por Korpusi i Gardës Revolucionare Islamike të Teheranit të shtunën e shpalli të mbyllur Ngushticën e Hormuzit në përgjigje të sulmeve izraelite në Liban, megjithëse ushtria amerikane tha se anijet tregtare vazhduan të operonin.
Këto zhvillime mund të ndërlikojnë bisedimet në të cilat të dyja palët duan të përparojnë një marrëveshje të përkohshme të ndërmjetësuar nga Pakistani dhe të nënshkruar të mërkurën nga presidentët Donald Trump dhe Masud Pezeshkian për t’i dhënë fund një lufte pothuajse katërmujore.
