Irani ka rifilluar shërbimet hekurudhore në disa linja kryesore, pasi ka riparuar segmentet e dëmtuara gjatë luftës.
Sipas mediave shtetërore, autoritetet kanë nisur ditët e fundit punimet për rindërtimin e urave, linjave hekurudhore dhe infrastrukturës tjetër të goditur gjatë gati 40 ditëve luftime.
Në rajonin veriperëndimor të Azerbajxhanit në Iran, drejtori i përgjithshëm i hekurudhave bëri të ditur se trenat kanë rifilluar lëvizjen nga qyteti Tabriz drejt kryeqytetit Teheran dhe qytetit Mashhad në verilindje.
Ndërkohë, një urë hekurudhore pranë qytetit Qom, në jug të Teheranit, u rihap të shtunën pas punimeve që zgjatën “më pak se 40 orë”, sipas zëvendësguvernatorit të provincës Qom, Khosrow Samari.
Të premten, agjencia e lajmeve Tasnim publikoi një video ku shfaqet një tren duke kaluar mbi urën Yahya Abad në qytetin Kashan, në provincën qendrore Isfahan.
Zëdhënësja e qeverisë, Fatemeh Mohajerani, deklaroi të dielën se rindërtimi i ndërtesave të dëmtuara mund të zgjasë nga tre muaj deri në dy vjet.
