Një 25-vjeçar është arrestuar nga policia në Mat pasi lëvizte në qytet me armë në automjet.
I riu u kap në flagrancë duke qarkulluar me armë zjarri gjysmë automatike.
“Si rezultat i operacionit “Bridge”, u arrestua në flagrancë shtetasi D.K., 25 vjeç, banues në Klos. Gjatë ndërhyrjes, në vendin e quajtur “Ura e Matit”, shërbimet e Policisë lokalizuan dhe ndaluan automjetin tip “Audi”, që drejtohej nga 25-vjeçari, dhe gjatë kontrollit iu gjet një armë zjarri gjysmë automatike, e cila u sekuestrua në cilësinë e provës materiale, së bashku me automjetin”, njofton policia.
