Jemi shumë pranë arritjes së paqes! Janë fjalët e presidentit amerikan Donald Trump pasi grupi militant që udhëheq Gazën tha se pranonte pjesë kyçe të planit të paqes, përfshirë lirimin e të gjitha pengjeve. Në një video-mesazh të publikuar gjatë mbrëmjes kreu i Shtëpisë së Bardhë falënderoi Katarin, Turqinë, Arabinë Saudite, Jordaninë dhe Egjiptin për përpjekjet e bëra në negocimin e ujdisë…
“Kjo është një ditë e madhe, do të shohim se si do të shkojë gjithçka. Duhet të presim fjalën e fundit dhe ta konkretizojmë. Më e rëndësishmja është që mezi pres që pengjet të kthehen në shtëpi tek të afërmit e tyre Fatkeqësisht, ju e dini gjendjen në të cilën ndodhen. Pra, dua t’ju njoftoj se kjo është një ditë shumë e veçantë, ndoshta e pashembullt në shumë mënyra. Por ju falënderoj të gjithëve dhe falënderoj të gjithë ata vende të mëdha që ndihmuan. Na u dha një ndihmë e jashtëzakonshme. Të gjithë ishin të bashkuar në dëshirën që kjo luftë të mbaronte dhe të shpëtohej paqja në Lindjen e Mesme. Dhe jemi shumë afër arritjes së kësaj”, deklaroi Trump.
Pasi presidenti amerikan i dha ultimatum grupit militant të pranonte planin e propozuar prej tij deri të dielën në orën 6:00, Hamas u përgjigj se pranonte pjesë kyçe të tij, përshirë fundin e luftës, tërheqjen e Izraelit dhe lirimin e pengjeve. Por ai kërkoi negociata të mëtejshme, lidhur me çarmatosjen e grupit dhe rolin në qeverinë e ardhshme të Gazës.
Më vonë, edhe Xhihadi Islamik, që gjithashtu mban disa prej pengjeve izraelite, e mbështeti qëndrimin e aleatit të tij, Hamas, një lëvizje kjo që mund ti hap rrugën lirimit të të gjithe shtetasve izraelitë të mbajtur peng. Zyra e Netanjahut tha më herët gjatë së shtunës së Izraelit po përgatitej për një implementim të menjëhershëm për fazën e parë të planit të Trump për Gazën për lirimin e pengjeve, pas përgjigjes së Hamas.
Menjëherë më vonë, mediat raportuan se qeveria kishte udhëzuar ushtrinë të reduktonte aktivitetin ofensiv në Gaza. Megjithatë në një njoftim ushtria paralajmëroi banorë të shtunën se qyteti i Gazës mbetje zonë e rrezikshme luftimi. Pas përgjigjes së Hamasit, presidenti amerikan Trump i kërkoi izraelit të ndërpriste menjëherë bombardimet në Gaza, pasi besonte që Hamasi kishte treguar gatishmëri për paqe afatgjatë.
