Mounir Nasraoui, babai i Lamine Yamal, shprehu zhgënjimin e tij me vendin e dytë të të birit në Topin e Artë. Anësori spanjoll përfundoi i dyti pas Ousmane Dembélé.
Në një lidhje me “El Chiringuito”, Nasraoui tha se nuk besonte se djalit të tij i ishte “vjedhur” çmimi, por deklaroi se Yamalit i është bërë dëm i madh moral.
“Nuk do të them se kjo ishte vjedhja më e madhe, por më tepër dëm moral ndaj një qenieje njerëzore”, argumentoi ai.
Për babain e yllit të Barcelonës, “Lamine Yamal është pa dyshim lojtari më i mirë në botë”.
“Nuk e them vetëm sepse ai është djali im, e them sepse është lojtari më i mirë në botë me diferencë”, arsyetoi ai.
“Duhet të themi se diçka e çuditshme ka ndodhur këtu. Vitin tjetër është i yni. Vitin tjetër Topi i Artë do të jetë spanjoll”, shtoi babai i Lamine Yamal.
