Pak kohë pas largimit së Elisa Spiropalit nga detyra e kryetares së Kuvendit, në media po qarkullon një listë e bashkëpunëtorëve të saj për të cilët shpenzonte çdo muaj 3.3 milionë lekë bruto nga taksat e qytetarëve.
Ndërsa në një vit, për stafin e Spiropalit, përfshirë grupe këshilltarësh, ekspertësh dhe sekretarësh, shpenzoheshin 400 mijë euro, ndërsa neto rreth 300 mijë euro.
Për këtë çështje foli në emisionin “Opinion” gazetarja e Klan News, Klesiana Omeri, e cila konfirmoi vërtetësinë e këtij informacioni, ndërsa si shembull solli pagesën prej 1,800 euro nbë muaj për djalin e kryetarit të bashkisë së Shkodrës, Benet Beci.
Pjesë nga biseda
Blendi Fevziu: Lajmi që është bërë viral në rrjetet sociale për listën e Elisa Spiropalit në krye të Kuvendit të Shqipërisë, është lajm i vërtetë? Listë e vërtetë? E konfirmuar?
Klesiana Omeri: Është dokumenti zyrtar, nga institucioni i Kuvendit të Shqipërisë… dhe në fakt ajo që është vërejtur dhe për këtë arsye ka krijuar mjaft debat sepse është mjaft e fryrë dhe shumë njerëz e vënë në pikëpyetje kontributin që ata japin apo edhe pagat qoftë edhe të shumë emrave, si djali i Benet Beçit. Po përmend emrat që kanë ngjallur shumë interes për kontributin që kanë dhënë.
Blendi Fevziu: Sa ishin pagat?
Klesiana Omeri: Për shembull, djali i Benet Beçit e kishte 1800 euro, një prej pagave, varionin, ishin të ndryshme. Por unë po flas për rolin e këshilltarëve…
