Siç bën me dije Policia, ish-zv/drejtori i AKSHI-t, Daniel Shima, është kthyer në banesë gjatë orëve të natës, 21 gusht.
Kujtojmë se zhdukja e tij u denoncua nga familjarët në komisariatin nr.1 në Tiranë.
Burime pranë uniformave blu i thanë Tv Klan se nëna e Shimës është lajmëruar fillimisht nga një vajzë me të cilën 34-vjeçari është në një marrëdhënie.
E reja i ka treguar nënës së Shimës se rreth orës 13:30, Danieli i ka dërguar një mesazh në telefon, ku i shkruan: “Po më arreston policia.”
Për këtë arsye, e dashura e ish-zv/drejtorit të AKSHI-t fillimisht ka telefonuar policinë dhe pasi ka mësuar se Danieli nuk rezultonte i arrestuar apo i shoqëruar, ka vënë në dijeni familjarët.
Nëna e tij, në polici gjatë denoncimit, ka pohuar se Shima paradite ka qenë te shtëpia e gjyshërve të tij në zonën e Qytetit Studenti, kohë që përkon edhe me mesazhin që i kishte dërguar të dashurës.
Dyshohet se ai është larguar nga banesa për motive personale./tvklan
