Kremlini ka njoftuar se cilët zyrtarë do të shoqërojnë Presidentin Vladimir Putin në samitin e parë të udhëheqësve SHBA-Rusi që nga viti 2021.
Sipas BBC, lista e personave hedh dritë mbi axhendën e mundshme të takimit në Alaska.
Delegacioni prej pesë anëtarësh përfshin:
-Ndihmësin presidencial Yuri Ushakov
-Ministrin e Jashtëm Sergei Lavrov
-Ministrin e Mbrojtjes Andrei Belousov
-Ministrin e Financave Anton Siluanov
-Kreun e Fondit Rus të Investimeve Direkte Kirill Dmitriev
Lavrov dhe Ushakov janë diplomatë veteranë që janë qendrorë në formësimin e politikës së jashtme ruse.
Lavrov ka udhëhequr ministrinë e jashtme për më shumë se 20 vjet dhe Ushakov, një këshilltar kyç presidencial për më shumë se një dekadë, më parë shërbeu si ambasador i Rusisë në SHBA.
Përfshirja e Belousov dhe Siluanov sinjalizon se axhenda do të mbulojë jo vetëm luftën në Ukrainë, por edhe çështjet strategjike të sigurisë dhe çështjen e lehtësimit të sanksioneve.
Ndërsa Dmitriev është i njohur për lidhjet e tij me familjen Putin dhe për ndihmën që Kremlini ka për të ndërtuar lidhje me SHBA-në dhe biznesin ndërkombëtar.
