Kanë nisur aplikimet në gjithë vendin për aplikimet për Skemën Kombëtare të Investimeve 2025 me 9 masa mbështetëse për sektorin e bujqësisë.
Lajmi është bërë i ditur nga vetë kryeministri Edi Rama përmes një njoftimi në rrjete sociale, teksa thotë se të gjithë fermerët dhe sipërmarrësit në fushën e agroturizmit, mund të aplikojnë deri në datë 30 shtator 2025 për të përfituar një paketë financimi të integruar, që përfshin kreditë e buta, si dhe 50% grante.
“Ka nisur informimi në gjithë vendin për aplikimet për Skemën Kombëtare të Investimeve 2025 me 9 masa mbështetëse për sektorin e bujqësisë.
Të gjithë fermerët, agropërpunuesit, dhe sipërmarrësit në fushën e agroturizmit, mund të aplikojnë deri në datë 30 shtator 2025 për të përfituar një paketë financimi të integruar, që përfshin kreditë e buta, si dhe 50% grante.
Në dispozicion të fermerëve dhe SME-ve është edhe Garancia Sovrane me një normë interesi vetëm 2% dhe mbulim 70% kolateral nga shteti”, njofton Rama.
