Tërmeti që goditi në orët e para të mëngjesit zonën pranë brigjeve të Oqeanit Paqësor ishte më i forti i regjistruar qe nga viti 1952.
Tërmeti, që shkaktoi paralajmërime emergjente për cunami për bregdetin rus dhe për shumë vende të tjera që kufizohen me atë oqean – ishte më i forti i regjistruar që nga viti 1952 dhe u mat me magnitudë 8.7 të shkallës Rihter, sipas degës së Kamchatkës të Shërbimit Gjeofizik të Akademisë Ruse të Shkencave, raportuan agjencitë e lajmeve TASS dhe Reuters.
Duke pasur parasysh magnitudën e tërmetit, “duhet të presim lëkundje të forta pasuese, ndoshta deri në 7.5 magnitudë”, tha shërbimi nëpërmjet Telegramit.
“Lëkundje të tjera të forta pasuese me magnitudë deri në 7.5 pritet të vazhdojnë për të paktën një muaj”, theksoi ai.
