Leonardo Papi, një shtetas italian, është drejtuar në redaksinë e emisionit “Stop” në Tv Klan pasi thotë se është mashtruar nga një shqiptar me emrin Naim Arifi. Naimin e ka njohur nëpërmjet një pronari restoranti, kur një shqiptar tjetër e goditi me grusht.
Naim Arifi, së bashku me bashkëshorten, e mbajtën afër dhe kur shiti shtëpinë në Itali, i morën 34 mijë euro për një shtëpi në Durrës së bashku me restaurimin. Më vonë Naimi iu lut që t’i jepte 50 mijë euro me deklaratë noteriale, shumë që do t’ia kthente për tre vjet. Veprimet u bënë nëpërmjet kompanisë Aquario Sali Peshku.
Pas tre vitesh Leonardi nuk i mori paratë sipas kontratës. Në këto kushte iu drejtua gjykatës, por gjykata ia rrëzoi padinë. Avokati Arben Llangozi shpjegon se gjykata duhet të lëshonte urdhrin e ekzekutimit dhe mospërmbushja e detyrimit në kohë nga pala, përbën vepër penale.
Naimi takohet me denoncuesin dhe premton se do t’ia kthejë paratë.
Denoncuesi: Unë nuk ndaloj. Duhet të rekuperoj paratë e mia! Keni korruptuar edhe gjykatësit. Çfarë duhet të bëj unë? Se i bën këto gjëra një shqiptari, më ke thënë që unë tani do shes agjencinë dhe të paguaj, të rikthej.
Mashtruesi: Sepse i doje më para.
Denoncuesi: Ti dhe Suela më keni thënë gjithmonë, i dua, i dua, i dua.
Mashtruesi: Mos prit!
Denoncuesi: Ti dhe Suela më keni thënë që këto para mund t’i marrësh kur ke nevojë, e ndërsa tani jo. Ishin të bllokuara.
Mashtruesi: Më thuaj, më thuaj, fol, fol, më çaj trapin, fol vazhdo..! 4 vite më ke çarë trapin, nuk dëgjon asnjërin.
Denoncuesi: Ka 5 vite që të njoh Naim.
Mashtruesi: Në qoftë se do ishte një person tjetër në vendin tim, nuk do të vinte në takim të merrte …(Nuk kuptohet) Nuk vinte fare. Ke ndërmend të më çash tr**in mua. Isha unë ose fytyra e u nisa e erdha për të zgjidhur… Për të konkluduar problemet e tua,
Denoncuesi: Konkludojmë. Më thuaj kur?
Mashtruesi: Po më çan tr**in, po më çan tr**in.
Denoncuesi: Po ti, kush je?
Mashtruesi: Unë?
Denoncuesi: Një hajdut!
Mashtruesi: Një hajdut! Kur bëhesh një person.
Denoncuesi: Cili person? Jam vetëm unë personi.
Mashtruesi: Flet keq për ty …. Tha që Leonardi flet keq për ty. Shiko ça thotë, i kanë vënë telefonin me “viva voce” (Zë të lartë) edhe paratë… Edhe paratë këtu kanë ardhur për një vit për pagesën e shtëpisë.
Denoncuesi: Jo!
Mashtruesi: Nuk kam më punë me shtëpinë unë. Ti bëj gjërat e tua, unë nuk bëj gjërat e të tjerëve. Unë nuk i bëj gjërat e tua. Unë e di që ti e ke vënë atje dhe merri paratë atje! Mos u merr me gjërat e të tjerëve!/ Tv Klan
