Anëtar i Këshillit të Bashkisë Elbasan, Blendi Himçi, foli në një prononcim për mediat sa i takon situatës së zjarrit në landfill.
“Në vend që mbetjet të digjeshin pak metra më tutje, në inceneratorin që ka kushtuar 26 milion euro, pikërisht zjarri që ka dalë jashtë kontrollit, përveç se akuzë për një qeveri të korruptuar që nuk ka lënë gjë pa bërë, tashmë po helmon qytetarët e Elbasanit”, deklaroi ai.
Sipas Himçit, zjarri në landfill ka nxjerrë në pah “nevojën emergjente që kishte Edi Rama për të vjedhur vota në këtë qytet.”
Thekson se Partia Demokratike është i vetmi zë për këto skandale, duke shtuar se ky zjarr është një “kujtesë e hidhur se kur vjedhjet janë farsë, askush nuk mban përgjegjësi.”/tvklan
