Mëngjesin e sotëm në portin e Durrësit është ankoruar superjahti luksoz “Opera”, në pronësi të sheikut Abdullah bin Zayed Al Nahyan nga Emiratet e Bashkuara Arabe.
Jahti, i ndërtuar në vitin 2022, pritet të furnizohet me rreth 320 mijë litra karburant pa akcizë, një nga arsyet që e bën portin shqiptar tërheqës për mjetet e mëdha lundruese.
Sipas tvklan, ”Opera” pas furnizimit do të niset drejt Dubrovnikut.
Vitin e kaluar, Shqipëria arkëtoi mbi 1 miliard lekë nga taksa e karburantit për jahte e megajahte.
Jahti, kap vlerën e rreth 450 milionë dollarë.
