Produkti i Brendshëm Bruto (PBB), në tremujorin e parë të vitit 2025 vlerësohet me rritje 3,39 %, në krahasim me tremujorin e parë të vitit 2024.
Sipas raportimeve të INSTAT, kontributi kryesor vjen nga Administrata publike, Arsimi dhe Shëndetësia, me +2,24 pikë përqindje.
Ndërkohë treguesi i Produktit të Brendshëm Bruto i përshtatur sezonalisht, në tremujorin e parë 2025, krahasuar me tremujorin paraardhës, vlerësohet me rritje prej 0,65 %.
“Administratra Publike, Arsimi dhe Shëndetësisia” shënoi rritje prej 18,92 %, i ndjekur nga aktiviteti i “Pasuri të Paluajtshme” me një rritje prej 8,03 %.
Grupi “Tregti, Transport, Akomodim dhe Shërbim ushqimor” shënoi një rritje prej 2,12 %, aktiviteti i “Ndërtimit” shënoi një rritje prej 1,78 %, dhe grupi “Aktivitete profesionale dhe Shërbime administrative” shënoi rritje me 0,24 %.
Sektorët që pësuan rënie:
Grupi i aktiviteteve “Industri, Energji dhe Ujë” shënuan rënie prej 5,66 %.
“Informacioni dhe Komunikacioni” shënoi një rënie prej 2,93 %.
“Bujqësi, Pyje dhe Peshkim” u ul me 2,76 %./tvklan
