Në konferencën për mediat, kreu i Partisë Demokratike ka deklaruar se PD ka të dokumentuar që në disa qendra votimit në zgjedhjet e 11 majit është votuar nga komisionerët në favor të deputetet socialiste Sara Mila.
“Do u tregoj qendrat e votimit, ku gjithë ditën votojnë komisionerët dhe ato vota shkojnë për “princeshën e burgjeve”, Sara Mila. Janë të dokumentuara”, tha ai.
Kryedemokratik deklaroi gjithashtu se zgjedhjet ne vend sipas tij u zhvilluan “ne kushtet e terrorit të paparë politik, të karteleve të drogës dhe organizatave më të rrezikshme kriminale”.
Pjesë nga deklarata e Berishës
Aty ku Sara Mila dhe Akend Balla shkojnë me hanxharët e Troplinëvë dhe Suel Çelës, komisionerit i ngelet shumë pak hapësirë. Pra, këtu është problemi, se zgjedhjet zhvillohet ne kushtet terrorit të paparë politik, të karteleve të drogës dhe organizatave më të rrezikshme kriminale.
Do u tregoj nesër qendrat e votimit, ku gjithë ditën votojnë komisionarët dhe ato vota shkojnë për “princeshën e burgjeve”, Sara Mila. Janë të dokumentuara, ne këtë po bëjmë. Me kallashnikov nuk i mbrojmë dot, por do dëshmojmë gjithçka.
