Policia e Tiranës ka vënë në pranga një 39 vjeçar dhe ka shpallur në kërkim kushëririn e tij, pas një konflikti të dhunshëm të ndodhur mbrëmjen e djeshme në zonën e Astirit.
Sipas kallëzimit të bërë nga ish-bashkëshortja e 39 vjeçarit, mësohet se ky shtetas ka ushtruar dhunë ndaj saj dhe, në bashkëpunim me kushëririn, kanë goditur me grushte bashkëjetuesin e saj F. P., si dhe vëllain e tij, E. P.
Në vijim të hetimeve, Prokuroria ka nisur procedim penal edhe ndaj shtetasve F. P. dhe E. P., të cilët dyshohet se kanë goditur fizikisht ish bashkëshortin gjatë konfliktit. Ata po procedohen në gjendje të lirë.
“Specialistët për Hetimin e Krimeve të Komisariatit të Policisë Nr. 6 arrestuan shtetasin E. Xh., 39 vjeç, si dhe shpallën në kërkim shtetasin G. L., 30 vjeç(kushuriri i 39-vjeçarit) pasi ndaj tyre ka kallëzuar shtetasja B. Xh(ish-bashkëshortja e shtetasit E. Xh), se 39-vjeçari mbrëmjen e djeshme në Astir ka ushtruar dhunë ndaj saj si dhe sëbashku me kushuririn e tij kanë goditur me grushte bashkëjetuesin e saj dhe vëllain e bashkëjetuesit shtetasit, F. P dhe E. P. Në vijim të veprimeve për rastin u referuan materialet në Prokurori, ku nisi procedimi në gjendje të lirë për shtetasit F. P dhe E. P, pasi gjatë konfliktit mbrëmjen e sotme kanë goditur me grushta shtetasin E. Xh”, thuhet në njoftimin e policisë.
