Një 38-vjeçar nga Peqini ka denoncuar në polici se babai i tij i cili vuan nga skleroza, ishte larguar nga banesa që prej datës 19 qershor.
Sipas të riut, shtetasi N. D., 84 vjeç ishte larguar nga banesa mëngjesin e 19 qershorit dhe nuk ishte kthyer.
Menjëherë pas kallëzimit, shërbimet e Policisë ushtruan kontrolle për gjetjen e 84-vjeçarit, i cili u gjet rreth orës 19:00, pa shenja jete, në kanalin vaditës pranë banesës.
Nga veprimet e para hetimore dhe nga këqyrja paraprake e trupit të 84-vjeçarit nuk u konstatuan shenja dhune.
Dyshohet se ai ka rënë aksidentalisht në kanal dhe për pasojë është mbytur.
Materialet procedurale i kaluan Prokurorisë.
