Kreu i PD-së, Sali Berisha deklaroi sot se do të publikojë një tjetër “lajmi të veçantë” ditën e nesërme.
Gjatë fjalës së tij në një konferencë për media, Berisha tha se ky lajm ka lidhje me atë që ai e cilëson si zbardhje të manipulimeve masive të zgjedhjeve të 11 majit nga mazhoranca.
Ai theksoi se ka fakte të shumte dhe ende nuk ka filluar t’i publikojë ato.
“Nesër lajm edhe më të veçantë. PD nuk lë akt dhe përpjekje pa bërë për t’u faktuar shqiptarëve se çfarë dhunimi të turpshëm bëri Rama votës së tyre. Se çfarë shkelemi dhe poshtërimi bëri ai mbi votën e tyre.
Treni bullgar është mekanizëm universal. Dy janë mekanizmat: Treni bullgar dhe ai që përdor Putini që shpërndan fletët e votimit para votimeve dhe ata vijnë me fletë në xhep.
Do shihni ju, pastaj mos harroni se nuk ka filluar me fol laptopi. Ne kemi fakte të pafundme”, tha Berisha.
