Një 20-vjeçare është proceduar penalisht nga policia, pasi ka hedhur një send të fortë nga ballkoni duke dëmtuar një djalë 9-vjeçar.
Sipas uniformave blu mësohet se e reja e ka hedhur aksidentalisht sendin e fortë.
Ndërkohë raportohet se i mituri mori ndihmë mjekësore në spital.
“Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasen K. H., 20 vjeçe, pasi në Shkozë, dyshohet se aksidentalisht ka hedhur nga ballkoni i banesës një send të fortë dhe për pasojë është dëmtuar një i mitur 9 vjeç, i cili mori ndihmë mjekësore në spital”, njoftoi policia.
