Prej dy ditësh, tensionet mes Izraelit dhe Iranit janë përshkallëzuar. Lidhur me situatën atje, ka ardhur një reagim nga Ministria për Evropën dhe Punët e Jashtme.
Përmes një njoftimi, ministria bën me dije se deri më tani nuk ka asnjë nuk ka asnjë raportim për qytetarë shqiptarë të lënduar apo të dëmtuar.
Ministria thekson se janë evidentuar pesë shtetas shqiptar në Izrael, të cilët janë në gjendje të mirë shëndetësore dhe janë duke ndjekur udhëzimet e sigurisë të autoriteteve izraelite.
Njoftimi i plotë:
Ministria për Evropën dhe Punët e Jashtme njofton po ndjek me prioritet dhe vëmendje të veçantë situatën e shtetasve shqiptarë në Izrael, të prekur nga zhvillimet e fundit.
Deri tani nuk ka asnjë raportim për qytetarë shqiptarë të lënduar apo të dëmtuar. Aktualisht janë evidentuar pesë shtetas shqiptarë në Izrael: tre me status turisti dhe dy me qëndrim të përkohshëm.
Ambasada jonë në Tel Aviv është në kontakt të vazhdueshëm me ta. Të gjithë janë në gjendje të mirë shëndetësore, janë të informuar dhe po ndjekin udhëzimet e sigurisë të autoriteteve izraelite.
Njoftojmë se për shkak të situatës, fluturimet janë ndërprerë. Për çdo informacion shtesë dhe nevoja emergjente, lutemi të kontaktoni Ambasadën Shqiptare në Tel Aviv në numrat e emergjencës:
+972 54 480 6601
+972 54 904 2813
