Në panelin e radhës me katër arkitektë në Festivalin “Bukë & Zemër”, foli arkitekti kilian Alejandro Aravanea, i cili ka projektuar edhe atë që pritet të jetë kulla më e lartë në Tiranë.
Duke e krahasuar Shqipërinë me vendin e tij të lindjes, ai veçoi një gjë që i ka bërë përshtypje këtu. Theksoi se Shqipëria e ka potencialin të kthehet në model për Europën e përtej.
“Më kujtohet koha kur m’u desh ta lija arkitekturën prej zhgënjimit. Klientët ishin aq të këqinj, sa mendoja se nuk isha i duhuri. Hapa një bar, asnjëri nga të punësuarit s’kishte diplomë gjimnazi. Megjithatë ishim në një lagje paksa të ashpër dhe duhet të mbyllnim dyert, na dukej sikur ishim njerëz prej një fisi, kishin dijeni për atë që kishin përjetuar në rrugë, e jo në shkollë. Inteligjencë nga përvoja e jetës.
Duke folur me një ish-ministre në Kili, ajo më tha se në dy censuset e bëra në Kili, pjesa më e madhe e njerëzve nuk kërkonin lejet e ndërtimit. Shumica e metrave katrorë ishin informalë.
Kur erdhëm në Shqipëri, ajo që gjen këtu, nuk është vetëm një mundësi për të ndërtuar. Ajo që shikon këtu është se ka një inteligjencë të rrugës. Shqipëria duhet t’i mësojë BE-së apo vendeve të Amerikës Latine, të jetë në radhët e para se sa të jetë në fund të listës”, tha ai.
Ky event ka bërë bashkë në Tiranë mbi 150 arkitektë të mirënjohur ndërkombëtarë nga Europa, Azia, Amerika Veriore e Jugore. Shënim: Inteligjenca e rrugës, ose ndryshe, inteligjenca sociale lidhet shpesh me sukseset që arrijmë në jetë. /tvklan.al
