Pas telefonatës me Trump, presidenti rus Vladimir Putin ka zhvilluar një bisedë telefonike me Papa Leon XIV.
Kremlini njofton se gjatë bisedës, Putin ka shprehur mirënjohjen e tij ndaj Papës për gatishmërinë për të ndihmuar në zgjidhjen e krizës në Ukrainë.
Kujtojmë se Putin zhvilloi po ashtu gjatë ditës së sotme edhe një bisedë telefonike me homologun e tij të SHBA, Donald Trump, ku sipas këtij të fundit, u diskutua për sulmet e fundit në Ukrainë, përfshirë goditjet ndaj bazave ushtarake ruse, si dhe programi bërthamor i Iranit.
Trump e përshkroi bisedën si “të mirë”, por sqaroi se nuk bëhet fjalë për një diskutim që mund të çojë në paqe të afërt.
