Tërmeti me magnitudë 5.8 të shkallës riter ka goditur edhe Turqinë rreth 02:17 pas mesnatës.
Siç raportojnë mediat vendase, një 14 vjeçare ka humbur jetën si pasoje e një sulmi paniku gjatë tërmetit, ndërsa 69 persona kanë mbetur të plagosur, pasi janë hedhur nga lartësia për shkak të frikës.
Lëkundjet sizmike kanë qenë tepër të forta dhe janë ndjerë kryesisht në Mugla, Izmir, Antalia, Aydın, Denizli dhe Manisa.
“Gjatë tërmetit në Fethiye, vajza 14-vjeçare Afranur Günlü u dërgua në spital për shkak të një ataku paniku, por për fat të keq humbi jetën pavarësisht të gjitha ndërhyrjeve. Në Muğla dhe rrethet e saj, 69 qytetarët u hodhën nga lartësitë për shkak të panikut. U uroj shëndet qytetarëve tanë të prekur nga tërmeti. Zoti e ruajt vendin dhe kombin tonë nga fatkeqësitë”, ka deklaruar Ministri i Brendshëm Ali Yerlikaya.
