Kandidati demokrat, Ilir Alimehmeti është i vendosur për t’i shkuar deri në fund kërkesës së tij për rinumërimin e votave në qarkun e Tiranës, ku nuk arriti të siguronte mandatin e deputetit.
Ndonëse, KAS e rrëzoi kërkesën e tij me votat e anëtarëve të PS dhe PD, nesër në ambientet e Gjykatës Administrative të Apelit do të hidhet shorti për përcaktimin e trupit gjykues të Kolegjit Zgjedhor Gjyqësor që do të shqyrtojë kërkesën e Alimehmetit.
Ai kundërshton vendimin për miratimin e tabelave të qarkut të Tiranës dhe rinumërim apo rivlerësim të votave.
Si alternativë ndaj mospranimit të kërkesave të mësipërme, kandidati Alimehmeti propozon dhe dërgimin për kontroll incidental pranë Gjykatës Kushtetuese.
