Kryetarja e Gjykatës së Apelimit në PD, Adriana Kalaja , pas humbjes së thellë, ka akuzuar për manipulim të votave Jorida Tabakun, e cila është e vetmja demokrate që mori mandatin e deputetit nga lista e hapur në Tiranë.
Për këto akuza ka folur, kryetari i PD, Sali Berisha në një konferencën për mediat, ku tha se Kalaja nuk ka të drejtë të ngrejë akuza pa fakte.
“Zonja Kalaja është një luftëtare e vendosur, e guximshme që në 4 vite është përballur direkt me krueministrin më shumë se kushdo tjetër. Në atë linjën e saj që beson se është avokate, linjën e drejtësisë dhe paditë. Zonja Kalaja dhe cilido tjetër qoftë në vlerësimin tim, nuk ka të drejtë pafakte të akuzojë ndonjë njeri. E treta, Sali Berisha është shprehur për këtë se zonja Tabaku ka bërë një nga fushatat më intensive siç kam konstatuar. Çdo kandidat që ka pretendime, t’i verifikojë. Pavarësisht nga konsideratat që kam, mbroj parimet bazë. Ai që ka dyshime dhe t’i faktojë pa pasur asnjë pengesë në sigurimin e dokumentacionit. Janë disa nuk është vetëm zonja Kalaja. Nuk jemi parti tu themi mos hap kutitë, atë nuk e themi kurrë. Kërko të drejtën tënde, ky është parimi im”-u shpreh Berisha.
