VIDEO/ Trump i plotëson dëshirën, pret familjen shqiptare në Zyrën Ovale

Në një takim të veçantë në Zyrën Ovale të Shtëpisë së Bardhë, presidenti amerikan Donald Trump ka pritur familjen shqiptare Xhaferi.

Ky takim erdhi falë realizimit të dëshirën së djalit të kësaj familjeje dhe u transmetua edhe përmes një videoje në rrjete sociale.

Videoja është publikuar edhe në platformën X nga asistentja speciale e presidentit dhe këshilltarja për komunikim, Margo Martin.

“Moment prekës mes Presidentit Trump dhe familjes Xhaferi”, ka shkruar ajo në përshkrimin e videos.

Sipas raportimeve, ky takim u organizua në kuadër të nismës bamirëse “Make-A-Wish”, një organizatë me mision të veçantë: përmbushjen e dëshirave të fëmijëve që vuajnë nga sëmundje të rënda dhe kritike.

Qëllimi kryesor i kësaj organizate është t’u sjellë shpresë, gëzim dhe kujtime të paharrueshme këtyre fëmijëve dhe familjeve të tyre, duke i mbështetur në momente të vështira.

Gjatë këtij takimi të veçantë, Trump i dorëzoi djalit edhe një monedhë si kujtim i veçantë i kësaj eksperience të paharrueshme.

Ai e këshilloi me dashamirësi që ta ruante me kujdes, duke i dhënë kështu jo vetëm një dhuratë fizike, por edhe një mesazh mbështetjeje dhe shprese për të ardhmen.\Opinion.al