Një tjetër projekt i bukur do t’i shtohet kryeqytetit tonë. Bëhet fjalë për “Tirana Moons”, vepër e arkitektit Chris Precht, që do të qëndrojë si instalacion në sheshin “Nënë Tereza”.
Kështu ka njoftuar në një postim në rrjetin social Facebook, kryebashkiaku Erion Veliaj, i cili ndër të tjera shtoi se ky instilacion do të jetë një oaz i gjelbër dhe hapësirë publike kushtuar librit.
“Shumë i lumtur që nisëm punën për të sjellë në jetë një tjetër projekt të bukur për qytetin – “Tirana Moons” – vepër e arkitektit Chris Precht, që do të qëndrojë si instalacion në sheshin “Nënë Tereza”, tamam si një oaz i gjelbër dhe hapësirë publike kushtuar librit.
Instalimi i “Tirana Moons” nuk do të ketë asnjë impakt mbi strukturën e sheshit, por ndërkaq do ta transformojë atë në një mjedis plotësisht miqësor, e veçanërisht për fëmijët dhe familjet, si një atraksion i lëvizshëm që do t’i mbetet qytetit.
Mezi pres që Tiranës t’i shtohet një tjetër xhevahir arkitekturor”, shkruan Veliaj.
