Kryeministri i vendit Edi Rama ka reaguar mbrëmjen e sotme lidhur me hapjen e grup-kapitullit të tretë të negociatave të Shqipërisë me Bashkimin Evropian.
Përmes një reagimi në rrjetet sociale, Rama shkuan se sot BE miratoi çeljen e 8 kapitujve të rinj nga grupi 3.
Kreu i qeverisë thekson se brenda tetë muajve janë hapur negociatat për 24 kapituj, ndërkohë që kanë mbetur edhe 11 për tu hapur.
Rama shprehet optimist për arritjen e objektivit për mbylljen e negociatave në vitin 2027.
Postimi i plotë:
RRUGA DREJT SHQIPËRISË2030 VAZHDON PA NDALIM 🇦🇱🤝🇪🇺
Këshilli i BE miratoi çeljen e negociatave për 8 kapituj të rinj nga Grupi 3:
Konkurrueshmëria dhe Rritja Gjithëpërfshirëse, që përfshin arsimin, digjitalizimin, punësimin, politikën ekonomike, tatimet dhe inovacionin😊
✅Deri tani janë hapur negociatat për 24 kapituj në vetëm 8 muaj dhe mbeten vetëm 11 të tjerë për t’u hapur – një ritëm tejet i lartë që tregon përparimin e Shqipërisë dhe mbështetjen e BE-së për të arritur objektivin e përbashkët të mbylljes së negociatave më 2027
