Dy persona kanë humbur jetën dhe të paktën 19 të tjerë janë plagosur, pasi një anije stërvitore e Marinës Meksikane u përplas në Urën e Bruklinit në New York City, tha kryebashkiaku i qytetit.
Sipas mediave të huaja mësohet se anija Cuauhtémoc humbi energjinë elektrike para përplasjes të shtunën në mbrëmje.
Zyrtarët amerikanë thanë se 277 persona ishin në bordin e anijes.
Në një deklaratë për X, kryebashkiaku i New York City, Eric Adams, shkroi:
“Në këtë kohë, nga 277 persona në bord, 19 prej tyre kanë pësuar lëndime, 2 prej të cilëve mbeten në gjendje kritike, dhe 2 të tjerë fatkeqësisht kanë ndërruar jetë nga lëndimet.”
Ndërkohë shefi i operacioneve të Departamentit të Policisë së Nju Jorkut, Wilson Aramboles tha se besonte se “probleme mekanike”.
Aramboles theksoi se anija duket se humbi fuqinë rreth orës 20:20, teksa kapiteni po përpiqej ta manovronte, çka bëri që ajo të drejtohej drejt një prej shtyllave të urës dhe direku të godiste pjesën e poshtme të saj.
Zyrtarët paralajmëruan se informacionet janë paraprake dhe mund të ndryshojnë.
Bordi Kombëtar i Sigurisë së Transportit po kryen një hetim mbi ngjarjen.
Ndërkohë pamjet më poshtë tregojnë teksa anija godet urën ndërsa po kalonte nën strukturën e saj.
