Eurodeputetit polak të ekstremit të djathtë, Grzegorz Braun, i cili kandidon për president të Polonisë në zgjedhjet e ardhshme, iu hoq imuniteti parlamentar.
Gjatë një vizite në një institucion shtetëror në Katoëice të Polonisë, Braun vuri re flamurin e Bashkimit Evropian pranë flamurit polak në korridor. Ai iu afrua flamurit, e hoqi dhe pastaj e hodhi në mënyrë demonstrative në dysheme.
“Emblema të tilla nuk i nënshtrohen asnjë mbrojtjeje ligjore në territorin e Republikës së Polonisë. Kjo është Polonia, jo Brukseli”, tha Brauni.
Pastaj, për ta përfunduar këtë vepër, ai e spërkati flamurin me benzinë dhe i vuri flakën në oborrin e institucionit.
