Kryeministri Edi Rama zhvilloi sot një takim përmbyllës të fushatës elektorale në Fushë Krujë.
Gjatë fjalës së tij, Rama foli për pasojat që tërmeti la tek banorët e zonës së Fushë-Krujës dhe qarkut të Durrësit si dhe rinovimet e banesa në disa zona.
Ai tha se shpërndarja e 350 apartamenteve të fundit, ka mbetur pezull për shkak të periudhës zgjedhore dhe do bëhet së shpejti.
Më tej, Rama deklaroi se do të realizojnë edhe ëndrrën e vjetër të Krujës, për të pasur një rrugë lidhëse drejtpërdrejtë me Tiranën.
“Për familjet e goditura nga tërmeti u ndërtuan banesat e reja dhe u strehuan pas asaj ngjarje të rëndë. Janë shpërndarë apartamente dhe po vijon puna për pjesën e mbetur.
Shpërndarja e 350 apartamenteve të fundit, ka mbetur për shkak të periudhës zgjedhore dhe do bëhet së shpejti, pasi të përfundojë ky proces që ka rregulla dhe ligje të caktuara, sepse nuk e bëjmë dot në fushatë.
Do realizojmë edhe ëndrrën e vjetër të Krujës, për të pasur një rrugë lidhëse drejtpërdrejtë me Tiranën. Tani kjo rrugë është pjesë e programit tonë”, u shpreh Rama mes të tjerash.
