GJKKO ka shpallur të pafajshëm deputetin demokrat, Gazment Bardhi lidhur me akuzën për shpifje ndaj KESH dhe OSHEE.
Lidhur me këtë ka reaguar vetë Bardhi, i cili përmes një postimi në rrjetet sociale shkruan se pret nga SPAK që t’i shkojë deri në fund kësaj çështje.
Demokrati nuk la pa përmenduar as ministren e Infrastrukturës dhe Energjitikës, për të cilën u shpreh se “Burgu i Pojskës është gati për banoren e re VIP!”
Postimi i plotë i Bardhit:
SPAK dhe GJKKO shpallën se nuk ka asgjë të pavërtetë në deklaratën time publike se Belinda Balluku ka abuzuar plot 180 milion euro me aferën e shitblerjes së energjisë! Unë pres që SPAK të bëjë detyrën dhe ti shkojë deri në fund kësaj afere monstruoze korruptive. Burgu i Pojskës është gati për banoren e re VIP!
