Banorët e Hotolishtit në Librazhd janë mbledhur sërish ditën e sotme për të protestuar, duke kundërshtuar projektin e Korridorit VIII.
Protestuesit kërkojnë që të realizohet një tunel alternativ, i cili do të mbrojë zonën historike dhe mjedisin përreth.
Një banor gjatë fjalës së tij theksoi se një veprim i tillë nuk është bërë as nga serbët gjatë historisë.
“Protestat do vijojnë pa ndërprerje. Do vendosim si komitet. Nuk mund ta imagjinoj këtë papërgjegjshmëri nga ministrja Balluku. Duhet të dërgonte të paktën një letër të sqaronte.
Jemi shumë të indinjuar. Tek e fundit nuk kemi çfarë humbim. Me cfarëdo shpërblimi do të më japin, ku do përplasem unë 60 vjeç? Ndaj ju ka votuar një komb i tërë, që të japin zgjidhje.
Po kush po pyet për tokat më, po shtëpinë?
Veç plumbi e ndan këtë punë. Edhe serbi nuk e ka bërë këtë punë, ka vra njerëz në rrugë, po shtëpitë i ka lënë”, tha një prej protestuesve.
