Në takimin me minatorët e Bulqizës, ku premtoi rregullimin e statusit të minatorit edhe kujdesin shëndetësor për minatorët pas 11 majit, Berisha ftoi Ramën të dilnin së bashku në një sallë përballë minatorëve e të mos shfaqej me “Lamborghinin e Noizyt”.
“Lamborghini i Noizyt” çfarë i hyn në punë minatorëve, që punojnë 8 orë, çfarë ju sjell atyre? Edi, ti nuk je i rrjedhur, je i trembur, ti bën edhe kloun. Hajde në këtë sallë të dalim para këtyre burrave, mos dil me Lamborghinin e Noizyt”por dil këtu. Mendjen e ke te Lamborghini dhe të sëmurët i lë pa ilaçe në spitalin onkologjik. Rama nuk është kloun, problemi i tij është se nuk di ku të fusë kokën” deklaroi Berisha.
Në këtë takim, kreu i PD tha se kauza e minatorëve do të triumfojë më 11 Maj, dhe se borxhi i tyre do të kthehet. Sipas Berishës, të ardhurat nga sektori minerar do të shkojnë për mirëqenie edhe për punësim.
